Atyraý qalasynyń №2 sotynda Maqat aýdannyń burynǵy ákimi Rınat Ibragımovke qatysty materıaldyq nemese ózge de táýeldilikte bolǵan áıeline qatysty densaýlyqqa qasaqana aýyrlyǵy ortasha zııan keltirý faktisi boıynsha qylmystyq is qaraldy, dep jazady Egemen.kz.
Sottaǵy tergeý barysynda eks-ákim 2023 jylǵy 31 mamyrda áıelimen janjaldasyp, Ý.A.-ny edenge qulatqan jáne sol jaq sanynan birneshe ret tepkilegen. Saldarynan jábirlenýshiniń 5-shi omyrtqasynyń synǵany saraptama negizinde dáleldendi.
«Bul qylmys zań boıynsha ortasha aýyrlyq dárejesine jatqyzylady. Sotpen jaza túrin tańdaý kezinde I.R.-nyń buryn sottylyǵy joqtyǵy, minezi oń sıpattalǵany eskerildi. Sot úkimimen I.R.-ǵa 2 jylǵa bas bostandyǵyn shekteý jazasy taǵaıyndaldy», delingen Joǵarǵy sot habarlamasynda.
Al jábirlenýshiniń 20 mln teńge moraldyq shyǵyn óndirý týraly azamattyq talabyn sot ishinara sheshti. I.R. jábirlenýshi Ý.A-ǵa 2 mln teńge moraldyq shyǵyndy óteıdi.Sottyń úkimi zańdy kúshine engen joq.