Mekkege qajylyq saparmen barǵan 557 adam kóz jumdy. Saýd Arabııasyndaǵy qazirgi aýa temperatýrasy 50 gradýs ystyqqa jetti, dep jazady Egemen.kz.
Qolaısyz aýa raıy saldarynan qaza tapqandardyń basym bóligi egde jastaǵylar. Dw.com aqparttyq portalynyń málimetinshe, Mekkede zardap shekkender sany bul kórsetkishten de kóp bolýy yqtımal.
Qajylyqqa baryp qaza tapqandardyń ishinde 323 Mysyr azamaty bolǵan.
Qurbandar arasynda Týnıstiń 35 azamaty da bar. Al Iordanııa memleketiniń Syrtqy ister mınıstrligi 41 qajyny Mekkede jerleýge ruqsat etilgenin habarlady.
IRNA aqparat agenttigi kóz jumǵandardyń arasynda 11 Iran azamaty bar ekenin, sondaı-aq taǵy 24 azamat aýrýhanaǵa túskenin jazdy.
Aptap ystyqtan 3 Senegal, 144 Indonezııa azamaty baqılyq boldy.
Aıta keteıik, buǵan deıin Mekkede 6 Iordanııa azamaty qaıtys bolǵan edi.