Memleket basshysynyń baspasóz hatshysy ári keńesshisi Berik Ýálı Kıevte jýrnalıst Aıdos Sadyqovqa jasalǵan shabýylǵa qatysty Qasym-Jomart Toqaevtyń málimdemesine túsinikteme berdi, dep jazady Egemen.kz.
Berik Ýálı Memleket basshysynyń tapsyrmasy boıynsha Qazaqstannyń quqyq qorǵaý organdary belgilengen rásimderge sáıkes qosymsha aqparat alý úshin Ýkraına tarapyna júginetinin, qajet bolǵan jaǵdaıda tergeýge at salysa alatynyn málimdedi.
«Aıdos Sadyqov taǵylǵan aıyptarǵa qaramastan, eń aldymen Qazaqstan azamaty bolyp tabylady. Tıisinshe, ol jáne onyń otbasy óz quqyqtaryn paıdalana alady. Konstıtýsııaǵa sáıkes, olar memleketten tys jerlerde óz eline arqa súıep, el azamaty retinde qorǵalatynyna senimdi bola alady. Sondyqtan Prezıdent tıisti memlekettik jáne dıplomatııalyq qyzmetterge, eger olardyń kelisimi bolsa, Sadyqovtar otbasyna barlyq qajetti kómekti kórsetýdi tapsyrdy», dep túsindirdi Berik Ýálı.
Eske salaıyq, 2024 jyldyń 18 maýsymynda Kıevte jýrnalıst Aıdos Sadyqovqa qastandyq jasalǵany belgili boldy.