Shyǵys Qazaqstan oblysynda 98 balaǵa jalpy somasy 84 mln teńge qaryzy bar 75 alıment tólemegen azamat keıingi 3 jylda býkmekerlik keńselerge 100 mln teńgeden astam aqsha salǵan, dep jazady Egemen.kz.
Bul aqparatty ShQO prokýratýrasy jarııa etti.
Máselen, О́skemende 1,5 mln teńge alıment qaryzy bar boryshker A., onlaın býkmekerlik keńsede 7 mln teńgesin báske tigip, utylǵan.
Boryshkerlerge túsindirý jumystary júrgizilgen soń, óz betinshe E-Gov mobıldi qosymshasy arqyly qumar oıyndarǵa qatysýyn shektedi.
«Sonymen qatar boryshkerlerdiń qumar oıyndarǵa qatysý jolyn kesý maqsatynda odan ári jumys júrgizý úshin Týrızm jáne sport mınıstrliginiń týrızm ındýstrııasy komıtetine elimizde jumys isteıtin býkmekerlik keńselerdi anyqtaý týraly hat joldandy. Qumar oıynǵa bás tigetin tulǵalar týraly derekter de alıment tóleýden jaltarýdyń dáleli bolady», delingen prokýratýra habarlamasynda.
Sondaı-aq alıment tólemeý boıynsha qylmystyq isterdi toqtatý týraly 2 sheshimniń kúshi joıylyp, qosymsha tergeýge jiberildi.