Erteń, 28 maýsymda Astana qalasynda «Atameken» QR UKP Basqarma Tóraǵasy Raıymbek Batalovtyń tóraǵalyǵymen Shanhaı yntymaqtastyq uıymy (ShYU) Iskerlik keńesi Alqasynyń 25-shi otyrysy ótedi. Is-shara barysynda ShYU-ǵa múshe elder arasyndaǵy ekonomıkalyq yntymaqtastyqtyń negizgi máseleleri men perspektıvalaryn talqylaý josparlanyp otyr, dep habarlaıdy Egemen.kz.
Kún tártibine saýda-ekonomıkalyq baılanystardy jáne ınvestısııalyq yntymaqtastyqty nyǵaıtý, birlesken ınfraqurylymdyq jobalardy damytý máseleleri engizilgen.
Otyrysta memlekettik organdardyń, isker toptardyń, halyqaralyq uıymdardyń ókilderi, sondaı-aq ekonomıka jáne halyqaralyq qatynastar salasyndaǵy jetekshi sarapshylar sóz sóıleıdi.
Tústen keıin Iskerlik keńes sheńberinde «Saýda-ekonomıkalyq yntymaqtastyq (ónerkásip, kólik-logıstıka, ınvestısııa, mádenıet jáne týrızm)» taqyrybynda ShYU bıznes-forýmy ótedi. Onda iri kompanııalardyń B2B kezdesýleri bolady. Atalǵan is-shara tikeleı iskerlik baılanystar ornatýǵa, birlesken jobalardy talqylaýǵa jáne kelisimderge qol qoıýǵa biregeı múmkindik beredi.