Belarýs Prezıdentiniń ushaǵy Astanaǵa qondy. Elorda áýejaıynda Aleksandr Lýkashenkony Qazaqstan Premer-mınıstriniń orynbasary Ǵalymjan Qoıshybaev qarsy aldy, dep habarlaıdy Egemen.kz Úkimettiń baspasóz qyzmetine silteme jasap.
Aleksandr Lýkashenko Shanhaı yntymaqtastyq uıymynyń sammıtine qatysady, onda Belarýs Respýblıkasynyń memleketaralyq birlestikke tolyqqandy múshe bolý máselesi qaralady.
Sonymen qatar Qazaqstan men Belarýs ekijaqty saýda-ekonomıkalyq baılanystardy belsendi túrde damytýda. Máselen, sońǵy úsh jyl ishinde eki el arasyndaǵy jyl saıynǵy taýar aınalymy $1 mlrd jaqyndap, keıde odan da asyp tústi. Osy jyldyń 4 aıynda Qazaqstan men Belarýs arasyndaǵy ózara saýda kólemi $249,3 mln-ǵa jetti. О́nerkásiptik kooperasııa aıasynda 1,6 myń jumys ornyn qura otyryp, shamamen $200 mln somasyna aýyl sharýashylyǵy tehnıkasyn qurastyrý boıynsha 10 birlesken joba iske asyryldy. Taǵy 4 iri joba iske asyrylý satysynda.