Búgin Bas prokýratýra jáne Ishki ister mınıstrliginiń Interpol qyzmetkerleri Qazaqstan Respýblıkasy Armenııadaǵy elshiliginiń kómegimen qarjy pıramıdasyn basqarǵan azamatty qylmystyq jaýapkershilikke tartý úshin elge ekstradısııalady, dep jazady Egemen.kz.
Kúdikti 2019 - 2021 jyldar aralyǵynda Qostanaı oblysyndaǵy «Finiko» qarjy pıramıdasynyń qurylymdyq bólimshesin basqarǵan. Sol kezeńde 167 mln teńgeden astam somaǵa qyryqqa jýyq jábirlenýshi aldanǵan.Qylmystyq topqa qatysýshylardyń bir bóligi buryn jazanyń ártúrli túrlerine sottalǵan, al osy joly qolǵa túsken kúdikti qylmys jasalǵannan keıin Armenııada jasyrynǵan jáne ol sol elde ustaldy.Qazirgi ýaqytta Aqtaý qalasynyń tergeý ızolıatoryna qamaýǵa alyndy.Aıyptalýshyǵa qylmysty jasaǵany úshin 7 jylǵa deıingi merzimge belgili bir qyzmetpen aınalysý quqyǵynan aıyryla otyryp, múlki tárkilenip, 5 jyldan 12 jylǵa deıingi merzimge bas bostandyǵynan aıyrý túrindegi jaza kózdelgen.