Almaty oblysynyń polıseıleri quny 2 mln teńgelik veıpterdi tárkiledi. WhatsApp messendjeri arqyly veıpterdi zańsyz satqandardy oblystyq krımınaldyq polısııa basqarmasynyń qyzmetkerleri anyqtady, dep habarlaıdy Egemen.kz Polisia.kz saıtyna silteme jasap.
«Stop-alaıaq» JPISh ótkizý barysynda Kıberpol bólimshesiniń qyzmetkerleri WhatsApp messendjerindegi arnany anyqtaǵan. Arna arqyly elektrondy temeki satylyp otyrǵan.
«Tártip saqshylary eki mıllıon teńgege elektrondy temeki tárkiledi. Elektrondy tutyný júıelerin (veıpterdi), hosh ıistendirgishter men suıyqtyqtardy satý jáne taratý faktisi boıynsha polıseıler qylmystyq is qozǵady», dedi oblystyq krımınaldyq polısııa basqarmasynyń bastyǵy Rýslan Smaǵulov.
Aıta keterligi, zańdy buzǵan adamǵa eki júz aılyq eseptik kórsetkishke deıingi mólsherde aıyppul ne sol kólemdegi túzeý jumystary ne elý táýlikke deıingi merzimge qamaýǵa alý mólsherinde iri aqshalaı aıyppul salynady.