Májilis depýtaty Ajar Saǵandyqova Prezıdent Qasym-Jomart Kemeluly qol qoıǵan zań týraly Facebook jelisinde jazba qaldyrdy, dep jazady Egemen.kz.
Depýtattyń sózinshe, Prezıdent Qasym-Jomart Toqaev byltyr ótken Qaýipsizdik keńesiniń otyrysynda azamattardyń jekelegen sanattary úshin qumar oıyndarǵa qatysty shekteýlerdi kúsheıtýdi tapsyrǵan edi.
«Memleket basshysy qol qoıǵan zańǵa sáıkes elimizde býkmekerlik keńseler men ǵımarattardyń qasbetterinde kazınolardy jarnamalaýǵa tolyq tyıym salynady, sondaı-aq táýeldi azamattar ózderine qumar oıyn oınaýǵa 10 jylǵa tyıym sala alady. Bul eGov arqyly iske asyrylady», dep jazdy májilis depýtaty.