Memleket basshysy BAÁ-niń Qazaqstandaǵy elshisi Muhammed Saıd Muhammed ál-Arıkıdi qabyldady, dep jazady Egemen.kz Aqorda baspasóz qyzmetine silteme jasap.
Memleket basshysy elimiz BAÁ-men kópjaqty yntymaqtastyqty damytýǵa erekshe mán beretinin atap ótti.
Kezdesýde buǵan deıin joǵary deńgeıde qol jetkizilgen saýda-ekonomıka jáne ınvestısııa salalaryndaǵy ýaǵdalastyqtardy júzege asyrý barysy talqylandy. Sondaı-aq Qazaqstan men BAÁ arasyndaǵy strategııalyq ınvestısııalyq jobalar týraly birlesken deklarasııa aıasyndaǵy jumystardy jalǵastyrý qajet ekenine nazar aýdaryldy.
Sonymen qatar energetıka jáne kólik-logıstıka, aqparattyq tehnologııalar men jasandy ıntellekt salalaryndaǵy yntymaqtastyq perspektıvalary qarastyryldy.