Pavlodarda 7 jasar Mılana Davydovanyń ólimine qatysty sot isi aıaqtaldy, dep habarlaıdy Egemen.kz.
Sot qyzdyń anasy men olardyń kórshisin qylmys jasaǵany úshin kináli dep tapty.
«A. Ábildınov 3-bólimniń 99-baby boıynsha qylmys jasaǵany úshin kináli dep tanylsyn jáne ómir boıyna bas bostandyǵynan aıyrý túrinde jaza taǵaıyndalsyn. Davydova T. sondaı-aq qylmys jasaǵany úshin kináli dep tanylyp, 20 jylǵa bas bostandyǵynan aıyrý jazasyna taǵaıyndalsyn», dedi sýdıa Nurlan Qaıyrbekov.
Sottalýshy jazasyn jedel rejımdegi mekemede, marqum qyzdyń anasy ortasha rejımdegi kolonııada óteıtin bolady.
Shildeniń 15-i kúni bul is boıynsha sotta daý bolyp, áıel qyzyn óltirmegenin málimdedi. Ekinshi aıyptalýshy qyzdy óltirmegenin, tek denesin jasyryp, polısııaǵa der kezinde habar bermegenin alǵa tartty.
Esterińizge sala keteıik, 3-synyp oqýshysy Mılana Davydova ótken jyldyń 17 qarashasynda Pavlodar oblysy Besqaýǵa aýylynda joǵalyp ketken bolatyn. Boıjetkendi 500-den astam adam izdegen, onyń ishinde volonterlar men oblys turǵyndary boldy.
Mılananyń máıiti eki kúnnen keıin anasy moıyndaǵan kezde tabyldy. Sodan keıin polıseıler balany óltirdi dep anasy jáne qylmys izin jasyrýǵa kómektesken tanysyn kúdikke ilingenin habarlady.