Bilim berý granttaryna qujat qabyldaý 13-24 shilde aralyǵynda júrgiziledi, dep habarlaıdy Egemen.kz.
Ǵylym jáne joǵary bilim mınıstrligi talapkerlerdiń nazaryna mynadaı málimetterdi usyndy:
Qazirgi ýaqytta elimizde 19 sheteldik joǵary oqý oryndarymen birlesken bilim berý baǵdarlamalary bar.
Aqtóbede Herıot Ýatt ýnıversıtetiniń fılıalynda Qazaqstannyń 9 óńirinen jastar oqıdy. Bıyl shetelden alǵashqy stýdentter kele bastady.
Soltústik Qazaqstanda Arızona ýnıversıtetiniń fılıalynda Qazaqstannyń 18 óńirinen jastar bilim alyp jatyr.
Atyraý oblysynda Gýbkın atyndaǵy ýnıversıteti, Almaty qalasynda MIFI ýnıversıtiniń fılıaldary tabysty jumys istep keledi. Bul fılıaldar 3-shi jyl qatarynan qabyldaýdy júzege asyryp keledi.
Aqtaýda Esenov ýnıversıtetinde nemis ýnıversıtetteriniń konsorsıýmy arqyly Turaqty ınjınırıng ınstıtýty quryldy.
Shyǵys Qazaqstanda Bydgosh qalasynyń Ekonomıka ýnıversıtetiniń (Polsha) fılıaly bar.
Qyzylordada Seýlteh ýnıversıtetimen birlesip Jasandy ıtellekt joǵary mektebi ashyldy.
Sátbaev ýnıversıtetinde Gonkong SityU ýnıversıtetiniń qos dıplom baǵdarlamasymen seriktestikti bastady.
Jýyrda Qytaı jáne Qazaqstan prezıdentteri ashqan Beıjiń til jáne mádenıet ýnıversıteti qyzmetin bastady.
Abaı ýnıversıtetiniń bazasynda Lotarıngııa ýnıversıtetiniń (Fransııa), Dýlatı ýnıversıtetiniń bazasynda D.I.Mendeleev atyndaǵy Reseı hımııa-tehnologııalyq ýnıversıtetiniń, Qazaq ulttyq agrarlyq zertteý ýnıversıtetiniń bazasynda - Tashkent aýyl sharýashylyǵyn ırrıgasııalaý jáne mehanıkalandyrý ınjenerleri ınstıtýtynyń (О́zbekstan) fılıaldary jumystaryn bastady.
«Bul fılıaldar bizdiń jastarymyzǵa, onyń ishinde aýyl jastaryna, halyqaralyq standarttarǵa saı joǵary bilim alýǵa biregeı múmkindik beredi. Atalǵan fılıaldarǵa qujat tapsyrýǵa qatysty qosymsha aqparatty joǵary oqý oryndarynyń resmı saıttarynan bile alasyzdar», delingen habarlamada.
Qazirgi ýaqytta (saǵat: 09.00) 41 myńnan astam talapker grant konkýrsyna qatysýǵa nıet bildirip, ótinishterin jibergen. Qujattardy qabyldaý eGov arqyly onlaın formatta nemese kez kelgen JOO (ornalasqan jeri boıynsha) arqyly oflaın formatta tapsyrýǵa bolady, sonymen qatar vırtýaldy qabyldaý komıssııalary da jumys istep jatyr.