Osy jyldyń birinshi jartyjyldyǵynyń qorytyndysy boıynsha elorda áleýmettik-ekonomıkalyq damý salasynda aıtarlyqtaı jetistikterge qol jetkizgendigi týraly qala ákimdiginiń resmı saıtynan málim boldy, dep habarlaıdy Egemen.kz.
Jumyspen qamtý deńgeıi, ınvestısııa kólemi jáne ınfraqurylymdy damytý sııaqty barlyq negizgi kórsetkishter boıynsha oń dınamıka baıqalǵan.
Birinshi jartyjyldyqtaǵy qysqa merzimdi ekonomıkalyq ındıkator 112% quraǵan. О́nerkásip salasynda da aıtarlyqtaı ósim baıqalyp, ónim kólemi 13,1 paıyzǵa artyp, 1 trln teńgeden asqan, óńdeý ónerkásibindegi ósim - 16,5%.
Jumys istep turǵan shaǵyn jáne orta bıznes sýbektileri 6,5 paıyzǵa artyp, 234 myńnan astam adam jumyspen qamtylǵan.
Investısııalardyń ósýi de baıqalyp, 13,2 paıyzdy qurap, 632 mlrd teńgege jetken. Jeke ınvestısııalar 13,9 paıyzǵa deıin ósken, atalǵan kórsetkish – qalanyń ınvestısııalyq klımatyna degen senimdiliktiń joǵary deńgeıin kórsetedi. Bólshek taýar aınalymynyń kólemi 1 trln 114 mlrd teńge, bul 2023 jyldyń birinshi jartyjyldyǵymen salystyrǵanda 7 paıyzǵa kóp.
Atalǵan kórsetkishter Astananyń damýyndaǵy oń úrdisterdi kórsetip otyr jáne odan ári strategııalyq josparlaý men qalanyń ornyqty damýy boıynsha negizgi mindetterdi iske asyrý úshin negiz bolmaq.