Jambyl oblystyq kópsalaly onkologııa jáne hırýrgııa ortalyǵynyń dárigerleri ota kezinde salmaǵy alty keli bolatyn qaterli isikti alyp tastaǵan. Kúrdeli operasııa 5 saǵatqa sozylǵan. Isiktiń kólemi 35 santımetrge jetip, baýyrdyń 90 paıyzyna jaıylǵan, dep habarlaıdy Egemen.kz.
Merki aýdanynyń 62 jastaǵy turǵyny qaıtymsyz prosestiń aldynda aýrýhanaǵa túsken. Buǵan deıin naýqas ishiniń ulǵaıǵanyn, júrý jáne tynys alýynyń qıynǵa soqqanyn baıqaǵan. Aýyl turǵyny tumaýǵa qarsy ekpe saldyrý kerek bolyp emhanaǵa barǵanda ony shuǵyl tekserýge jibergen.
Dárigerler qoıǵan dıagnozdan soń áıelge shuǵyl ota qajet bolǵan. Tájirıbeli hırýrgtar zamanaýı qural-jabdyqtardyqtardyń kómegimen qaterli isikti alyp tastaǵan.
«Biz ýaqytynda úlgerdik. Shynymdy aıtsam, naýqas óte baqytty. Qazir metastaz joq. Hımııa almaıdy. Tek maqsatty terapııa alyp jatyr. Bul emdeýdi aýrýdyń aldyn alý maqsatynda júrgizip jatyrmyz», dedi oblystyq kópbeıindi onkologııa jáne hırýrgııa ortalyǵynyń bólim meńgerýshisi Erasyl Arapov.