Álem BAQ-tarynda Microsoft-taǵy aqaýǵa baılanysty áýejaı, bank, telearna, iri kompanııalardyń operasııalyq júıelerinde qıyndyqtar bolyp jatqany habarlanyp jatyr. Osy máselege qatysty Qazaqstannyń Sıfrlyq damý, ınnovasııalar jáne aeroǵarysh ónerkásibi mınıstrligi de málimdeme jasady, dep jazady Egemen.kz.
Mınıstrlik málimetinshe, ázirge elimizdiń ınfraqurylymdary men memlekettik IT-servısteriniń jumysynda eshqandaı aqaý tirkelmegen.
«Microsoft operasııalyq júıesiniń jahandyq isten shyǵýyna baılanysty birqatar elde áýejaılar men IT-servısterdiń jumystarynda aqaý baıqalady. Qazaqstanda osyǵan baılanysty shaǵymdar túsken joq, barlyq júıeler qalypty rejımde jumys istep jatyr. Sıfrlyq damý mınıstrligi jaǵdaıdy baqylaýǵa aldy», delingen mınıstrlik habarlamasynda.