18 shilde kúni keshke Qaraǵandy oblysyndaǵy Petrovka aýyly Nura ózeniniń mańynda dostarymen birge demalysqa barǵan 54 jastaǵy er adam iz-tússiz joǵalyp ketken, dep habarlaıdy Egemen.kz.
Iz-tússiz joǵalyp ketken er adamdy dostary ózdiginen taba almaı, qutqarýshylardy shaqyrǵan. Búgin er adamnyń sýǵa batyp ketkeni belgili boldy.
«Buqar jyraý aýdanynda Petrovka aýylynan bir shaqyrym jerde 19 shildede Nura ózeniniń jaǵasynda Qaraǵandy oblysy Tótenshe jaǵdaılar departamentiniń qutqarýshylary izdestirý is-sharalary barysynda 18 shildede tyıym salynǵan jerde sýǵa shomylý kezinde sýǵa batyp ketken er adamnyń máıitin tapty», dep habarlady oblystyq TJD.