Prezıdenttiń keńesshisi Erulan Jamaýbaev «Báıterek» ulttyq basqarýshy holdıngi dırektorlar keńesine múshe bolyp saılandy, dep jazady Egemen.kz.
Erulan Jamaýbaev osy aıdan bastap «Báıterek» ulttyq basqarýshy holdıngi dırektorlar keńesiniń múshesi bolyp saılandy.
Dese de ol holdıngtiń aksııalaryn, ónim berýshileri men básekelesteri sanalatyn zańdy tulǵalardyń aksııalary men qatysý úlesterin ıelenbeıdi.
Erulan Kenjebekuly 1974 jyly 25 naýryzda týǵan.
1995 jyly Qazaq memlekettik basqarý akademııasyn «qarjy jáne nesıe» mamandyǵy boıynsha bitirgen.
2009 jyly Turar Rysqulov atyndaǵy Qazaq ekonomıkalyq ýnıversıteti janyndaǵy Halyqaralyq bıznes mektebin támamdady. Mamandyǵy — strategııalyq menedjment.
Halyqaralyq qarjy uıymdarynda jáne batys elderiniń ortalyq bankterinde «makroekonomıkalyq jáne qarjy saıasaty», «monetarlyq saıasat strategııasy jáne ony eýropalyq ortalyq bankte júrgizý erekshelikteri», «makroekonomıkalyq basqarý», «qarjy naryǵynyń quraldary», «qarjylyq turaqtylyq» baǵyttary boıynsha biliktiligin arttyrǵan.
1996-1998 jyldary — Qazaq memlekettik agrarlyq ýnıversıtetinde oqytýshy-taǵylymdamashy, oqytýshy;
1998-2014 jyldary — QR Ulttyq bankiniń jetekshi mamany, departament dırektory;
2014-2015 jyldary — «Qazaqstannyń turǵyn úı qurylys jınaq banki» aksıonerlik qoǵamynyń basqarýshy dırektory;
2015-2018 jyldary — QR Prezıdenti Ákimshiligi Áleýmettik-ekonomıkalyq monıtorıng bólimi meńgerýshisiniń orynbasary, bólim meńgerýshisi;
2018-2019 jyldary — QR Prezıdentiniń kómekshisi;
2019-2020 jyldary — QR Qarjy mınıstrliginiń jaýapty hatshysy;
2020-2022 jyldary — QR Qarjy mınıstri;
2022-2024 jyldary — QR Premer-mınıstriniń orynbasary — Qarjy mınıstri;
2024 jyldyń 20 mamyrynan beri Memleket basshysynyń ókimimen Qazaqstan Respýblıkasy Prezıdentiniń keńesshisi qyzmetin atqaryp kelgen.