«Habar» agenttiginiń basshylyǵy jazǵy Olımpıada oıyndary qarsańynda qazaq sport jankúıerlerin qýantyp, belgili sport jýrnalısi Amangeldi Seıithan marqumnyń uly Bekasyl Seıithanǵa tizgin ustatty, dep jazady Egemen.kz.
«Habar» agenttigi usynǵan aqparatqa sáıkes, Bekasyl Seıithan sport jýrnalıstkasyna bala kezden qumartqan. Alaıda onysyn baıqatpaǵandyqtan ákesi úıinde bolashaq kommentatordyń ósip kele jatqanyn múlde bilmegen. Ákesi kóz jumǵan soń, kommentator isin qolǵa alyp, izin jalǵastyrýǵa kirisken. Jeke sport arnasynda sheberligin shyńdap júrgen Bekasyl Seıithan 1 jyldan astam ýaqyt ishinde 100-den astam efır júrgizgen. Osy Olımpıadaǵa irikteý kezeńderin de júrgizgen eken.
«Ákesiniń asyl qasıetteri Bekasylǵa daryǵan, tanymal kommentator bolatynyna senimdimiz. Jas kommentator bolǵan soń kórermender túsinistikpen qaraıdy dep oılaımyz», deıdi sport jýrnalıstıkasyndaǵy aǵalary.
Odan bólek, Olımpıada-2024 oıyndarynda «El arna», «Habar» arnalarynan 7 sport kommentantatory jumys isteıdi.
Jas kommentator Bekasyl Seıithannyń Parıj Olımpıadasyndaǵy alǵashqy efırin 27 shilde kúni saǵat 14:00-de «El arna» telearnasynan tamashalaýǵa bolady.