Oblys ortalyǵyndaǵy ádebıet jáne óner mýzeıindegi qundy qazynanyń biri – «Dıýanı hıkmet» kitabynyń qoljazba kóshirmesi.
Ǵalymdardyń pikirinshe, Qoja Ahmet Iаsaýıdiń bul eńbegi HVI-HVII ǵasyrda qaıta kóshirilgen. Túrik halyqtaryna ortaq eski ádebı tilde jazylǵan. Kóshirme buqar qaǵazyna tańbalanǵan. Mamandar ishindegi kóp sóz qazaqtyń ádebı tiline oraılas deıdi. Burynǵy nusqalar oǵyz dıalektisinde jazylǵan eken. Qoljazba nusqa eń eski ári sırek kezdesetin úlgi. 90 betten turatyn qoljazbany burynnan málim úsh nusqamen salystyrýdyń nátıjesinde transkrıpsııalyq, mátindik, kórkem poetıkalyq úlken aıyrmashylyqtyń, ózgeshiliktiń betin ashýǵa bolady. Bul qoljazba qazaq ádebıeti úshin de, til tarıhy úshin de, ejelgi dinı fılosofııa úshin de qundy, mańyzdy rýhanı mura sanatynda.