Áleýmettik jelide 2019 jyldan beri Abaı oblysy Jıdebaı aýylyndaǵy tastardy urǵanda qońyraý úni estiletin erekshe tastar túsirilgen vıdeo tarap júr. Kópshiliktiń tańdanysyn týdyrǵan tastardyń bul syry áli kúnge ashyla qoımaǵan, dep jazady Egemen.kz.
AQSh-tyń Pensılvanııa shtaty men Reseıdiń Karelııa respýblıkasynda tabylǵan osyndaı tastardy týrıster tamashalaý úshin qolaıly jaǵdaı jasalǵan.
Tilshimiz Qýat Qıyqbaı Jıdebaıdaǵy tastarǵa qyzyǵýshylar kóp bolǵanmen taban tirep kórýge jaǵdaı jasalmaǵanyna nazar aýdarady.
Al qońyraý úni estiletin tastardyń syryn Abaı Qunanbaıulynyń Jıdebaıdaǵy mýzeı-úıi meńgerýshisi Aıqyn Aqbolatov bylaısha boljaıdy:
«Bul tastar Jıdebaıdan qyryq shaqyrym shamasynda Jırenshe qystaýynyń mańynda jatyr. Jırenshe «Abaı joly» roman epopeıasynda aıtylatyn aqynnyń jaqyn dosy, jan serigi bolǵan adam. Eldi mekenniń arǵy betinde taý-tasty aımaq bolǵanymen, dál osy eki tasty ursańyz syńǵyrlaǵan qońyraýdyń únin shyǵarady. Bizdiń jobalaýymyzsha, atalǵan tastardyń quramynda metall kóp bolǵandyqtan bolar dep oılaımyz. Baq daryp, kıe qonǵan Shyńǵystaý ólkesiniń bul da bir sheshilmegen qupııasy», dedi Aıqyn Berikboluly.
Avtor tasty urǵanda estiletin syńǵyrlaǵan únniń ǵylymı negizin «Syńǵyrlaǵan tastar syry» maqalasynda tarqatyp jazǵan.