QR IIM Baıqońyr qalasyndaǵy ókildiginiń kóshi-qon qyzmetkerleri qujattardy tekserý kezinde belgilengen merzimde Reseı Federasııasynyń azamattyǵyn alǵany týraly habarlamaǵan Baıqońyr qalasynyń 18 jastaǵy turǵynyn anyqtady, dep habarlaıdy Egemen.kz Polisia.kz-ke silteme jasap.
«Tártip buzýshy QR ÁQBK-niń 496-baby 2-bóligimen 200 AEK (738 400 teńge) aıyppul túrinde ákimshilik jaýapkershilikke tartyldy», delingen habarlamada.
Polıseıler Qazaqstanda qos azamattyqqa jol berilmeıtinin eske saldy.
Aıta keteıik, basqa memlekettiń azamattyǵyn alǵan jaǵdaıda bul týraly kóshi-qon qyzmeti bólimshelerine alynǵan kúnnen bastap kúntizbelik 30 kún ishinde habarlaý qajet.
Eske sala keteıik, buǵan deıin Shyǵys Qazaqstan oblysynyń polıseıleri qos azamattyǵy bar 30 adamdy anyqtap, onyń segizin Qazaqstannan shyǵarǵan edi.