Shymkentte "Ordabasy" ındýstrııalyq aımaǵynda alapat órt kezinde kúıik jáne ýlaný belgileri bar 10 adam (1 kúıik, 9 ýlaný) medısınalyq kómekke júgingen, dep habarlaıdy Egemen.kz.
Dárigerler tekserýinen keıin 2 adam aýrýhanaǵa jatqyzyldy. Qalǵan 8 adam jaǵdaıy qalypty bolýyna baılanysty úılerine qaıtaryldy.
Polısııa qyzmetkerleri yqtımal zaqymdaný aımaǵyna qorshaý júrgizdi. О́rt ornynan SES qyzmetkerleri synama aldy, onyń resmı qorytyndysy keıin bilgili bolady.
Jaqyn mańdaǵy turǵyn úılerden (barlyǵy 412 úı, 2472 adam turady) evakýasııa pýnktine 443 adam evakýasııalandy, onyń ishinde 233 bala bar. Saǵat 23:20-da olardyń barlyǵy úılerine jáne týystaryna ketti.
Eske salsaq, biz buǵan deıin Shymkenttegi ındýstrııalyq aýmaǵynda gaz kúkirti tutanyp, órt shyqqany týraly jazdyq. 28 shilde tańǵy saǵat 05:30-da órt tolyǵymen sóndirildi. Oqıǵanyń mán-jaıy anyqtalyp jatyr.