Kanadanyń bedeldi «Fantasia Film Festival» kınofestıvalinde qazaq týyndysy qazylar alqasy tarapynan joǵary baǵaǵa ıe boldy. Basty rólderdi somdaǵan Berik Aıtjanov pen Anna Starchenko festıvaldyń úzdik akterleri atandy.
Fılm ujymy úshin aıtýly oqıǵa – operator Erkinbek Ptyralıev Oskar kınoakademııasynyń músheligine qabyldanýy bolyp otyr. Ol – «Oskar» syılyǵyna daýys berýge qatysatyn alǵashqy qazaq azamaty.
Rejısser Ádilhan Erjanovtyń «Dala qasqyrlary» fılmi buǵan deıin «Reims polar 2024» kınofestıvalinde fransýz synshylar qaýymdastyǵynyń júldesin jeńip alǵan bolatyn. Fılm tártipsizdik kezinde urlanǵan ulyn izdep júrgen Tamara esimdi áıeldiń jan muńyn baıandaıdy. Ol kúmándi detektıvtiń kómegine júginip, keıin kútpegen oqıǵalarǵa tap bolady. Aıta keteıik, kınokartına Mádenıet jáne aqparat mınıstrliginiń qoldaýymen túsirildi.