Aqmola garnızonynyń áskerı soty Tótenshe jaǵdaılar jónindegi burynǵy birinshi vıse-mınıstr Ibragım Kúlshimbaevqa qatysty úkimdi jarııalady. Bul týraly Sybaılas jemqorlyqqa qarsy is-qımyl Agenttiginiń baspasóz qyzmeti habarlady, dep jazady Egemen.kz.
Ol óziniń jeke úıin salý úshin áskerı qyzmetshiler men arnaıy tehnıkany tartý týraly QR Tótenshe jaǵdaılar mınıstrliginiń vedomstvolyq baǵynysty mekemeleriniń basshylyǵyna zańsyz nusqaýlar berý arqyly bılikti asyra paıdalanǵany úshin kináli dep tanyldy.Sot úkimimen oǵan memlekettik qyzmette jáne kvazımemlekettik sektor sýbektilerinde qyzmet atqarýǵa ómir boıyna tyıym salynyp, 5 jyl merzimge bas bostandyǵynan aıyrý túrindegi jaza taǵaıyndaldy.Sonymen qatar sot Memleket basshysynyń atyna Kúlshimbaevty general-maıor áskerı ataǵynan aıyrý týraly usynys engizýge qaýly shyǵardy.Úkim zańdy kúshine engen joq.