Taekvondodan Qazaqstan komandasynyń múshesi Samırhon Ababakırov Parıj Olımpıadasyndaǵy alǵashqy jekpe-jekte ıtalııalyqtan jeńildi, dep jazady Egemen.kz.
58 keli salmaqta synǵa túsken Samırhon Ababakırov 1 kezeńde Vıto Del'Akıladan basym tússe de, kelesi syndarda ese jiberdi.
Eki kezeńde teń túsken qarsylastar qosymsha ýaqytta da baryn saldy. Samırhon Ababakırov kezdesýdiń sońǵy 15 sekýndynda upaı enshilegenmen, osy ýaqyt aralyǵynda basymdyǵyn saqtaı almady. Osylaısha jyldam, tájirıbeli ıtalııalyq jeńisti óz paıdasyna tirkedi.
Samırhon Ababakırov endi qarsylasynyń fınalǵa jetýin kútedi. Italııalyq sportshy fınalǵa jetse, otandasymyz jubanysh beldesýine qatysý múmkindigine ıe bolady.