Abaı oblysynda «Jaıly mektep» qanatqaqty ulttyq jobasy aıasynda 5700 oqýshyǵa arnalǵan 11 mektep salý josparlanǵan. Osy joba sheńberinde byltyr 5 mekteptiń qurylysy bastalsa, bıyl 6 bilim ordasynyń qabyrǵasy qalanyp jatyr.
Salynýǵa josparlanǵan 11 mektep boıynsha jer ýchaskeleri anyqtalyp «Samruk-Kazyna Construction» AQ-ǵa rásimdeldi. Qazirgi tańda 4 mektep boıynsha merdiger uıym anyqtalyp, qurylys jumystary qarqyn aldy.
Sondaı-aq Semeı qalasyndaǵy Qaraǵaıly turǵyn aýdanyndaǵy 1200 oryndyq orta mektep qurylysynyń aıaqtalý merzimi bıylǵy qyrkúıek-jeltoqsan aıy dep belgilengen. Oblystyq bilim basqarmasy usynǵan derekke sensek, qazirgi kúni qurylys jumystarynyń 56% ǵana oıdaǵydaı atqarylǵan. Biraq qurylys jumysy berilý merzimi kestesinen artta qalyp kele jatqany baıqalady.
Oblys ortalyǵyndaǵy Vodnyı kentinde taǵy bir osyndaı mektep boı kóterip jatyr. Bul oqý ordasy 600 orynǵa jobalanǵan. Mundaǵy qurylys jumystarynyń aıaqtalý merzimi de aldaǵy qyrkúıek-jeltoqsan aıy dep kórsetilgen. Biraq qurylys jumystary da kesteden keshigip keledi. Búginge deıin nysan qurylysynyń 49%-ǵa jýyǵy aıaqtalǵan. Alaıda bilim salasynyń mamandary eki mektepti bıylǵy jeltoqsan aıynda paıdalanýǵa beremiz dep sendirip otyr.
Buǵan qosa atalǵan «Jaıly mektep» qanatqaqty jobasy aıasynda Aıagóz qalasynda 600 oryndyq, Besqaraǵaı jáne Aqsýat aýyldarynda 300 oryndyq mektep salý josparlanǵan. Merdiger uıym atalǵan mektepterdiń qurylysyn kelesi jyly aıaqtap, atalǵan eldi mekenderdegi oqýshylar 2025 jyldan jańa mektepte oqıdy.
Abaı oblysy