Astanada JEO-3 qyzmetkeri beti men qolyn kúkirt qyshqylyna kúıdirip aldy, dep habarlaıdy Egemen.kz.
«Eýrazııa» birinshi arnasynyń aqparatynsha, oqıǵa 20 shildede elordadaǵy eń jańa JEO-da boldy. Gúlnur Sadyqova munda apparatshy bolyp jumys isteıdi. Onyń mindeti ár jarty saǵat saıyn besinshi belgige kóterilip, qyshqyldyń qubyrlar arqyly ótkenin nemese ótpegenin tekserý.
«Men ózim kútken joqpyn. Bir shlangy jarylyp, maǵan kúkirt qyshqyly shashyrady. Men aıqaılaı bastadym. Betim men qolym tolyǵymyn zardap shekti. Aýrýhanaǵa kelgende, dárigerler maǵan operasııa jasalýy múmkin ekenin birden aıtty», dedi jábirlenýshi Gúlnur Sadyqova.Bolǵan oqıǵanyń egjeı-tegjeıin arnaıy komıssııa anyqtap jatyr. Ony memlekettik eńbek ınspektory basqarady. Sondaı-aq energetıkalyq qadaǵalaý ókili de kirdi.
Oqıǵany tergeý 30 kúnge deıin jalǵasady. Osydan keıin eńbek ınspektorlary materıaldardy polısııaǵa tapsyrady.
«Astana-energııa» AQ basqarma basshysynyń óndiris jónindegi orynbasary Oleg Garmonshıkov qaýipsizdik tehnıkasy buzylmaǵanyn habarlady.