Qaskeleń qalasynyń mańyna jumys izdep О́zbekstannan kelgen tórt qandasymyz quldyqtan qutqaryldy.
Qandaı jumystan bolsa da tartynbaı, qalaıda qarajat tabýdy ǵana oılaǵan jandar áýeli aldaýǵa túsip, sosyn sharasyzdyqtan kúnkóristerin kúıttep, aılar boıy tegin jumys istegen. Naqtylaı tússek, quldyqtyń qamytyn kıgen.
«Adamdy erkinen tys eńbek etýge májbúrleýge qatysty ishki ister organynda tirkelgen derek boıynsha tergeý amaldary júrgizilip, prosessýaldyq sheshim qabyldandy», deıdi Almaty oblystyq IID baspasóz qyzmetiniń bas mamany Janar Tólegenqyzy.
Jalpy, ótken jyly oblys aýmaǵynda adamdardy zańsyz túrde bostandyqtan aıyrýǵa qatysty elimizdegi eń iri megapolıs Almatynyń irgesindegi aýdandarda 14 derek tirkelipti.
Nurbol ÁLDIBAEV,
«Egemen Qazaqstan».
Almaty oblysy.