Tórt jylda bir ret ótetin Olımpıada oıyndary óz máresine jetti. Olımpıadada medal alǵan sportshylarǵa syılyq berý úrdisi álemniń kóptegen elinde bar. Alaıda keıbir elder qomaqty aqshamen shektelmeı, kólik, baspana berip jatady, dep habarlaıdy Egemen.kz.
CNBC saıty Ulttyq Olımpıada komıtetterinen, sport qaýymdastyqtarynan syıaqy mólsheri týraly aqparat jınaǵan.
Derekkóz málimetinshe, Gonkong tizimde kósh bastaıdy, bul el altyn medal alǵandarǵa 768 myń dollar beredi. Bul − shamamen 366 mıllıon teńgeden asady.
Sıngapýr da budan qalys qalmaıdy. 745 myń dollar beredi. Indonezııa Olımpıadada birinshi bolǵandarǵa 300 myń dollar, Izraıl 271 myń dollar úlestiredi.
Qazaqstan tizimde bestikti aıaqtap tur. Elimiz bıyl da Olımpıada chempıondaryna 250 myń dollar beredi.
Aıta keteıik, Qazaqstan 2024 jylǵy Olımpıada oıyndaryn jeti medalmen aıaqtady.