Abaı oblysynda «Din máseleleri boıynsha bilikti mamandar daıarlaý» jobasy aıasynda aqparattyq-túsindirý toptarynyń múshelerine arnalǵan oqytý semınarlar men trenıngter ótti, dep jazady Egemen.kz
Osy jyldyń 13-14 tamyzynda Semeı qalasyndaǵy Abaı atyndaǵy ámbebap kitaphanasynda Mádenıet jáne aqparat mınıstrliginiń Din isteri komıtetiniń qoldaýy, «Rýhanı jańǵyrý» qoǵamdyq qorynyń uıymdastyrýymen din máseleri boıynsha bilikti mamandardy daıarlaýǵa baǵyttalǵan is-shara ótti. Sharaǵa «Din zertteý ortalyǵynyń», meshitterdiń, aqparattyq túsindirý tobynyń músheleri, ımamdar, psıhologtar men teologtar qatysty. Jıynda din máseleleri boıynsha túsindirý tobynyń músheleri – Neırolıngvıstıkalyq baǵdarlamalaý mamany, psıholog Seıtqalı Mırzada Shahmanuly jáne dintanýshy Myrzaev Balǵabek Ábdiqaıymuly dáris oqydy.
Seıtqalı Mırzada Shahmanuly «Oratorskoe masterstvo: Iskýsstvo pýblıchnyh vystýplenıı» taqyrybynda sóıleý tehnıkasyn meńgerýdiń tıimdi joldaryn atap ótip, durys tynys alýdy, únniń qulaqqa jaǵymdy, sózdiń, býynnyń ashyq, aıqyn bolýyna septigin tıgizetin tásildermen bólisti. Sondaı-aq, «Navykı vysokoeffektıvnyh lıýdeı» taqyrybynda jalpy teorııalyq aqparat berip, qatysýshylarmen aqparttyq baılanys ornatty.
Myrzaev Balǵabek Ábdiqaıymuly «Qazaqstan Respýblıkasyndaǵy radıkaldyq jáne ekstremıstik baǵyttaǵy dinı aǵymdar jáne olardyń belsendiligi týraly» taqyryby aıasynda tyńdaýshylarǵa dinı sananyń erekshelikterin, dindarlyqtyń qurylymyn, jeke tulǵanyń jáne qoǵamnyń dinı damý aıyrmashylyqtaryn túsindirdi. Sondaı-aq «Zaıyrlylyq jáne onyń dinı birlestiktermen qarym qatynasynyń negizgi prınsıpteri» taqyrybynda qatysýshylarǵa jastar arasyndaǵy táýekel toptaryn anyqtaý úshin profaılıng tehnıkasyn, ıaǵnı, qylmys jasaýǵa daıyn turǵan tulǵanyń syrtqy kelbetine, mımıkasyna, júris-turysyna qarap qalaı anyqtaýǵa bolatynyn túsindirdi.
Sonymen qatar, semınar men trenıngter barysynda qatysýshylar tarapynan dáriskerlerge suraqtar qoıylyp, tujyrymdy jaýaptar alyndy.