Búgin Hatlon oblysynyń ákimshilik ortalyǵy – Bohtar qalasynda Qazaqstannan kelgen qonaqtar delegasııasyn erekshe yqylaspen qarsy aldy, dep habarlaıdy Egemen.kz Hovar agenttigine silteme jasap.
Saltanatty kezdesý rásimi Bohtar qalasynyń Memlekettik Tý alańynda Bohtar qalasynyń tóraǵasy Abdýlmajıd Mýmınzodanyń qatysýymen ótken.
Qazaqstan delegasııasy «Avasto» oblystyq tarıhı-ólketaný murajaıyna barǵan. Aldaǵy ýaqytta qonaqtar josparlanǵan mádenı baǵdarlamany da tamashalaıdy.
Aıta keteıik, 21-23 tamyz aralyǵynda Bohtar qalasynda Qazaqstannyń mádenı kúnderi ótedi.
Eske sala keteıik, 22-23 tamyzda Prezıdent Emomalı Rahmonnyń shaqyrýymen Qazaqstan Prezıdenti Qasym-Jomart Toqaev Tájikstanǵa memlekettik saparmen barady.
Sonymen qatar Dýshanbede Qazaqstan men Tájikstan arasyndaǵy saýda-ınvestısııalyq forým ótken edi. Qazaqstan men Tájikstan jaqyn arada taýar aınalymyn 2 mıllıard dollarǵa jetkizýdi josparlap otyrǵany belgili boldy.