Tatýlyq, birlik, kelisim – asyl baqyt el úshin

Búgin, saılaý atty jalpyulttyq «jıynda» Qazaqstan halqy kópjyldyq keleshegin, kelesi zańǵar belesterin aıqyndaıtyn túıin jasady. Ol túıin-tańdaý – tabysy tolaıym, betalysy oraıly Nazarbaevtyń «Nurly jolymen» taǵy da tolyq úndestik taýyp otyr. Meni tańdandyrǵany ári tánti qylǵany sol, tańerteń, saǵat 6-da syrtqa shyqqanymda, Ulttyq akademııalyq kitaphanadaǵy, sonymen qosa, №66-shy mekteptegi saılaý ýchaskeleri aldynda qaraqurym halyq jınalyp qalypty. Daýys berý rásiminiń tek 7-de bastalatyndyǵyna qaramastan, tipti taıaqqa súıengen qarııalary jáne basqa da adamdar bar, endigi uzyn kezek túzgen eken. Qazaqstan halqynyń óziniń azamattyq ustanymyn bildirýde sonshalyqty belsendilik tanytýy meni bir qýantyp tastady. Biz osy saılaý aldynda kandıdat N.Nazarbaevtyń respýblıkalyq qoǵamdyq shtabymen birge ártúrli óńirlerdi, aýyl-aımaqty aralaǵanbyz. Sonda halqymyzdyń Nursultan Nazarbaevty qýattap-qoldaıtynyna, el basshylyǵynda tek osy tulǵany ǵana kórýge qushtarlyǵyna ábden kóz jetkizdik. Qazaq eli – taǵdyry tarıhtyń túp-tereńinen bastaý alatyn abyz halyq. Ol eshqashan ónegeli tarıhyn umytqan emes. Osydan 25 jyl buryn biz kim edik? Keńes Odaǵynyń respýblıkalary ishindegi sońǵy orynda turǵan, damýy kenje qalǵan, kósh sońynda salpaqtaǵan el edik. Sonaý myńjyldyqtar toǵysynda, Keńes Odaǵy kúırep jatqan tarıhı syn kezeńde-aq halqymyz el tizginin Nursultan Nazarbaevqa senip tapsyrǵan-tyn. Nátıjesinde, onyń basshylyǵymen Qazaq eli talaı asqar asýlardan asty. Osy joldaǵy talaı «tar jol, taıǵaq keshýlerden» Elbasy eldi abyroımen shyǵaryp, údemeli damýǵa jol taba bildi! Sóıtip, kenje qalǵan jurtyn qýatty, urpaǵyn saýatty, keleshegin tatý-tátti kúnge jetkizdi. Bul týǵan eldiń – taǵdyr aldyndaǵy, al, Elbasynyń – tarıh aldyndaǵy tuǵyrly jeńisi, uly maqtanyshy bolatyn. Al búgin bizdiń aldymyzdan taǵy da tarıhı da taǵdyrly tańdaý jasaý sáti týǵan edi. Halyqtyń qalaýy – Nazarbaev boldy. Qazaqstandyqtardyń Qazaqstan kóshbasshysyna kórsetken biraýyzdy qoldaýyn kıesi kúshti Elimizdiń danalyǵy dara Elbasyna jáne onyń aldaǵy qadam-qımyldaryna degen «aq batasy» retinde qabyldaýǵa da bolady. Bul tatýlyq pen turaqtylyqty tý etken, álemge beıbitshilik pen kelisim nuryn taratqan Qazaq eliniń jeńisi! Ár eldiń ózindik demokratııalyq damý jolynyń bolatyny ras. Qazaqstan da halyqaralyq qaýymdastyqtyń jáne jahandyq quqyqtyq tártiptiń bir múshesi retinde táýelsizdik jarııa­laǵan kúnnen bastap, ádil de adal, halyqaralyq uıymdar ashyq dep baǵalaǵan saılaý ótkizip kele jatyr. Azamattarymyzdyń óziniń daýys berý quqyǵy men múmkindigin tolyqqandy paıdalanýyna barlyq jaǵdaılar, tetikter jasalǵan. Biz Memleket basshysynyń alda qandaı uly isterdi qolǵa alatynyn bilemiz. Ol – «5 halyqtyq reforma» dep atalady. Al, bul reformalardyń tuǵyr-ustynyn quraýshy, «Máń­gilik El» ıdeıasy arqaýyndaǵy jumyl­dyrýshy qundylyqtar – azamattyq teńdik, eńbeksúıgishtik, adaldyq, oqymystylyq pen bilimdi qaster tutý, zaıyrly el – taǵattylyq eli bolmaq. Bizdiń búgingi jalpyulttyq tańdaýymyz úshin keıingi urpaq áli-aq alǵysyn aıtar. О́ıtkeni, ol keleshekke kemel Qazaqstandy tabys­taýdy kózdeıdi. Biz birtýar, biregeı kóshbasymyzben birge álemdegi eń damyǵan otyz eldiń sapyna erkin qosylatyn bolamyz. Qazaqstannyń mártebesi zor, yrysy mol bolaryna senimdimin! Elbasyna daýys berdim men búgin! Teńseltpegen Táýelsizdik teńdigin. Máńgilikke, «Máńgi elge» bastaǵan, «Nurly jolmen» egemendi eldigin.   Elbasyna daýys berý elge syn, Beıbit kúnde ana besik terbesin. Oqtyń daýsy ne ekenin bilem men, Oq pen ottyń ortasynan kelgesin.   Elbasyna daýys berdim, nege men?! Shańyraǵym – altyn, kúmis keregem, Elbasynyń eńbegi dep tanımyn, Búgingi tań, Qazaqstan – egemen!   Elbasyna daýys berdim, sebebi, Kóshbasshymyz kósh bastaǵan óreli. Kim nyǵaıtsa Táýelsizdik irgesin, Halqy máńgi soǵan ǵana senedi, SOǴAN DAÝYS BEREDI! Baqytbek SMAǴUL, Parlament Májilisiniń depýtaty, Aýǵan soǵysy ardagerleri uıymdarynyń «Qazaqstan ardagerleri» qaýymdastyǵynyń tóraǵasy.