V Dúnıejúzilik kóshpeliler oıyndarynyń bastalýyna 16 kún qaldy. Qazir álem kóz tikken dodaǵa daıyndyq jumystary qyzý júrip jatyr, dep habarlaıdy Egemen.kz.
Osyǵan deıin elimizge jebeler shetelden ákelingen edi. Endi álemniń 35 elinen keletin mergender Qazaqstanda jasalǵan oqtardy paıdalanady. Sadaq atýdan araqashyqtyq ártúrli bolǵandyqtan aǵashtyń ıilgishtigine mán beriledi. Sondyqtan arnaıy apparat arqyly salmaǵy, ólshemi, maıysý kúshi esepteledi.
V Dúnıejúzilik kóshpeliler oıyndarynda sadaq atýdan el namysyn 10 sportshy qorǵaıdy. Ulttyq qurama músheleri qazir qyzý daıyndalyp jatyr.