QR Mádenıet jáne aqparat mınıstrligi Din isteri komıtetiniń arnaıy jobasy aıasynda, Jetisý oblysynda din isteri basqarmasynyń qoldaýymen, bekitilgen jospar boıynsha, 2024 jyldyń 19-23 tamyz aralyǵynda din máseleleri boıynsha respýblıkalyq aqparattyq-túsindirý tobynyń (budan ári – RATT) músheleri qoǵamda dástúrli rýhanı-adamgershilik qundylyqtardy qalyptastyrý jáne dinı ekstremızmniń aldyn alý baǵytynda semınarlar men ártúrli formattaǵy is-sharalar ótkizdi, dep habarlaıdy Egemen.kz.
Bul is-sharalarǵa RATT músheleri (teologtar, dintanýshylar) qatysady:
Týngatova Ýljan Askarbaevna – Almaty qalasy, Ál-Farabı atyndaǵy QazUÝ aǵa oqytýshysy, dintanýshy; Asqarbekqyzy Balqynaı – Jetisý oblysy, Ońaltý jumystaryn uıymdastyrý bólimi, dintanýshy-psıholog; Qańtarbaeva Janna Orynbasarqyzy – Almaty qalasy, Ál-Farabı atyndaǵy QazUÝ aǵa oqytýshysy, fılosofııa ǵylymy kandıdaty; Keńesbaeva Aısha Amanqyzy – Almaty qalasy, «Nur-Múbarak» Egıpet ıslam mádenıeti ýnıversıtetiniń ıslamtanýshysy, jýrnalıst.2024 jylǵy 19-23 tamyz aralyǵynda is-sharalardy uıymdastyrý barysynda, Panfılov (Jarkent), Sarqan, Alakól, Kerbulaq aýdandary men Taldyqorǵan qalasy turǵyndarymen, meshittegi áıel jamaǵatymen, ustazdarmen, jastarmen, emhana jáne ákimshilik qyzmetkerlerimen jáne t.b. «Ulttyq qundylyqtar - ult qazynasy», «Dástúrli emes dinı aǵymdardyń qoǵamǵa qaýiptiligi», «Qazaqstan Respýblıkasyndaǵy jalpy bilim berýdiń zaıyrly sıpaty», ««Jastar arasyndaǵy dinı ekstremızm men terrorızmniń aldyn alý» jáne t.b.taqyryptar aıasynda kezdesýler ótkizildi.