Jambyl oblysy Moıynqum aýdandyq soty paraqorlyq jasaǵany úshin aýdan ákiminiń mindetin ýaqytsha atqarýshy S. Tólegenov, osy aýdannyń qarjy bóliminiń basshysy T. Ádilbaev jáne jeke kompanııa ókili A. Shubaev sottaldy, dep habarlaıdy Egemen.kz Sybaılas jemqorlyqqa qarsy is-qımyl agenttiginiń baspasóz qyzmetine silteme jasap.
Anyqtalǵandaı, Tólegenov para alǵany, al Ádilbaev memlekettik satyp alý salasyndaǵy jumys jónindegi fýnksııalardy laýazymdyq mindetterinen alyp tastamaǵany jáne qyzmet boıynsha jalpy qamqorlyǵy úshin oǵan 400 myń teńge somasynda para bergeni úshin kináli dep tanylǵan.
Budan basqa, Ádilbaev Moıynqum aýylynyń joldaryn jóndeý boıynsha oryndalǵan jumystarǵa jedel aqy tólegeni úshin Shubaevtan 600 myń teńge somasynda para alǵany belgili boldy.Sot úkimimen Tólegenov pen Shubaevqa 12 mln teńgeden, Ádilbaev 26 mln teńge aıyppulǵa sottaldy.Úkim zańdy kúshine engen joq.