Bas prokýratýra men Qarjy monıtorıngi agenttiginiń qyzmetkerleri Birikken Arab Ámirlikterinen zańsyz oıyn bıznesi nuıymdastyrǵany úshin qylmystyq jaýapkershilikke tartý úshin Qazaqstan azamatyn ekstradısııalady, dep jazady Egemen.kz.
- Kúdikti 2023-2024 jyldar aralyǵynda Atyraý oblysynda býkmekerlik keńse túrindegi zańsyz oıyn bıznesin uıymdastyryp, nátıjesinde 21 mln teńge kóleminde paıda tapqan.
Qylmys jasaǵannan keıin kúdikti jasyrynyp, halyqaralyq izdeýge jarııalandy, - delingen baqylaýshy organnyń málimetinde.
Aǵymdaǵy jyldyń tamyz aıynda ol Abý-Dabı qalasynyń aýmaǵynda ustalyp, keıinnen Qazaqstan Respýblıkasyna ekstradısııalandy.
Aıta keteri, ol buryn osyndaı qylmys jasaǵany úshin sottalǵan.
Qazirgi ýaqytta kúdikti Astana qalasynyń tergeý ızolıatoryna qamaldy.
Aıyptalǵan qylmys jasaǵany úshin múlki tárkilenip, 4 jyldan 7 jylǵa deıingi merzimge bas bostandyǵynan aıyrý jazasy qarastyrylǵan.