Qazaqstan boksshysy Sadrıddın Ahmedov (13-0, 11 KO) sońǵy eki jyldaǵy alǵashqy jekpe-jegin ótkizdi, dep jazady Egemen.kz.
Ol Santa-Inez qalasynda ótken boks keshinde amerıkalyq Antonıo Toddpen (17-10, 9 KO) judyryqtasty.
Jekpe-jek segiz raýndqa josparlanǵan bolatyn. Nátıjesinde, qazaqstandyq boksshy birinshi raýndta tehnıkalyq nokaýtpen jeńiske jetti.
Osylaısha, kásipqoı boksta orta salmaqta óner kórsetetin qazaqstandyq Sadrıddın Ahmedov kásipqoı mansabyndaǵy on tórtinshi jeńisine qol jetkizse, Antonıo Todd kásipqoı rıngtegi on birinshi ret jeńiliske ushyrady.