Búgin Parlament palatalarynyń birlesken otyrysynda Prezıdent Qasym-Jomart Toqaev halyqqa Joldaýynda bankter týraly jańa zań ázirleý qajettigin aıtqan edi. Osy oraıda Májilis depýtaty Erlan Saırov atalǵan zańǵa qatysty pikir bildirdi, dep habarlaıdy Egemen.kz.
«Sońǵy 30 jylda bankter halyqtyń qarjylyq saýatsyzdyǵyn paıdalanyp, óte úlken paıda tapty. Bul jekelegen azamattardyń taǵdyryna áser etti. Sondyqtan bizge eń aldymen bank sektoryndaǵy básekelestikti qalpyna keltiretin bankter týraly jańa zań kerek. Ekinshiden, bul áleýmettik ádilettilikke ákeledi, ıaǵnı olıgarhtar bank sektoryndaǵy bılikten aıyrylady», dedi Erlan Saırov.
Buǵan deıin Memleket basshysy Qazaqstan Respýblıkasy Parlamentiniń kezekti sessııasynyń ashylýynda halyqqa Joldaýyn jarııalap, bank sektorymen aldaǵy jumystyń naqty baǵyttaryn ataǵan edi. Prezıdent bankterdiń tóleıtin salyqtary olardyń aksıonerleriniń alatyn dıvıdendterine sáıkes bolýy kerek ekenin tilge tıek etti.