2003 jyly týǵan jigit Kaspıı teńizine batyp ketken. Aqparatty Mańǵystaý oblysynyń Tótenshe jaǵdaılar departamenti rastady, dep habarlaıdy Egemen.kz.
Qaıǵyly oqıǵa 3 qyrkúıek kúni saǵat 19:40-ta bolǵan.
Oblystyq tótenshe jaǵdaılar departamentiniń habarlamasynda: «Jas jigittiń denesi Kaspıı teńizi jaǵalaýynan 100 metr, tereńdigi 2 metr jerden shyǵaryldy. Qutqarý jumysyna 9 qutqarýshy, 2 tehnıka, 1 júzý qurylǵysy, 1 dron jumyldyryldy», delingen.
Marqum jigit shomylýǵa tyıym salynǵan tustan túsip, sýǵa batyp ketkeni anyqtaldy.