PAVLODAR. 24 qańtar. Pavlodar oblysynyń ákimi Qanat Bozymbaev qatty aıazǵa baılanysty aýdan ákimderi jáne barlyq basqarma basshylarymen shuǵyl jıyn ótkizdi. Bul týraly egemen.kz habarlady.
Aýa raıyn baqylaýshylardyń málimetterinshe, 24-27 qańtar aralyǵynda oblysta aýa temperatýrasy 30-35 gradýsqa deıin tómendeıdi, keıbir jerlerde 38 gradýs aıaz bolady.
Oblysta tótenshe jaǵdaıdyń aldyn alý maqsatynda jedel shtab quryldy. Energetıka, turǵyn úı-kommýnaldy sharýashylyq basqarmasynyń basshysy J.Tuıaqovtyń aıtýynsha, barlyq aýdandar men qalalardaǵy jylý berý kózderi turaqty jumys jasaýda. Otyn jetkilikti, turǵyn úılerde jylý bar. Barlyq qalalar men aýdandardyń turǵyn úı kommýnaldyq bólimderi táýlik boıy kezekshilik atqarýda.
Oblys aýmaǵyndaǵy avtomobıl joldary baqylaýda. Bilim berý basqarmasy aýdan jáne qala ákimderimen birlese otyryp, mektepterde sabaqtardyń bolmaýy týraly ata-analardy ýaqytynda telearnalar men radıo arqyly habarlaýda. Qutqarý qyzmetteri arnaıy tehnıkalardy ázirlep, joldardy tazalap, respýblıkalyq, oblystyq jáne aýdandyq mańyzy bar joldar boıynda qajet bolǵan jaǵdaıda jyly oryndar jumysyn uıymdastyrady.
Farıda Byqaı.
Derek: egemen.kz.
Sýret: time.kz.