Parıjde ótip jatqan paralımpıadada para kanoeden jarys jolyna shyqqan otandastarymyz irikteý kezeńinen súrinbedi, dep jazady Egemen.kz.
200 metr qashyqtyqta baq synaǵan Jańyl Baltabaeva men Bıbarys Sypataı jartylaı fınalǵa joldama aldy.
Jańyl Baltabaeva VL3 sanatynda synǵa túsip, 1:04.72 ýaqyt kórsetkishimen irikteýde irkilmedi. Endi jerlesimiz 7 qyrkúıek kúni Astana ýaqytymen 13:49-da jartylaı fınalda óner kórsetedi.
Bıbarys Sypataı KL2 sanatynda belgilengen qashyqtyqty 48.50 sekýnd nátıjesimen qorytyndylady. Sportshy fınalǵa ótý úshin erteń 13:14-te synǵa túsedi.