Mańǵystaý oblysynyń Qaraqııa aýdanynyń prokýratýrasy 39 mln teńgege jarııalanǵan konkýrstyń kúshin joıdy, dep habarlaıdy Egemen.kz vedomstvonyń baspasóz qyzmetine silteme jasap.
Prokýratýranyń baspasóz qyzmetiniń habarlaýynsha, aýdandyq bilim bólimimen memlekettik satyp alý veb-portalynda aqparattyq júıeni tehnıkalyq qoldaý jáne oǵan qoljetimdilikti qamtamasyz etý boıynsha konkýrs jarııalanǵan.
Memlekettik satyp alý zańnamasy talaptarynyń saqtalýyna júrgizilgen taldaý barysynda prokýrorlar áleýetti ónim berýshiniń biliktilik talaptary boıynsha jalǵan aqparat bergenin anyqtaǵan.
«Prokýrorlyq qadaǵalaý aktisimen konkýrstyń kúshi joıylyp, bilim bóliminiń qyzmetkeri tártiptik jaýaptylyqqa tartyldy.Memlekettik satyp alý salasyndaǵy ashyqtyqty jáne zańdylyqty saqtaýdy qamtamasyz etý boıynsha jumys jalǵasýda», delingen habarlamada.