«Qurmet» ordeniniń ıegeri, belgili akter Úsiphan Seıtimbet ómirden ozdy, dep habarlaıdy Egemen.kz.
Úsiphan Seıtimbet 1960 jyly Ońtústik Qazaqstan oblysyna qarasty Keles aýdanynyń Igilik aýylynda dúnıege keldi. Respýblıkalyq Estrada-óner stýdııasyn 1979 jyly támamdap, Almaty oblystyq fılarmonııasyna jumysqa qabyldanǵan. 1983 jyly T.Júrgenov atyndaǵy Teatr jáne kórkemsýret ınstıtýtyna oqýǵa túsken.
M.Áýezov atyndaǵy qazaq memlekettik akademııalyq drama teatrynyń akterlik quramyna 1999 jyly qabyldanǵan ol M.Áýezovtiń «Abaıynda» Narymbet pen Dolgovty, I.Saparbaıdyń «Syǵan serenadasynda» Barondy, Shekspırdiń «Romeo men Djýlettasynda» júrgizýshini jáne taǵy da basqa rólderdi somdaǵan. Ánshilik ónerdi de janyna serik etken.
1986 jylǵy jeltoqsan oqıǵasyna qatysqan.
Úsiphan Seıtimbet «Qurmet» ordeniniń ıegeri (2019 jyly). Odan bólek «Qazaqstan Respýblıkasynyń Táýelsizdigine 25 jyl» merekelik medaliniń (2016 jyly) jáne «Mádenıet salasynyń úzdigi» medaliniń ıegeri (2018 jyly).