Qazaqstan Premer-mınıstri Oljas Bektenov Reseı Federasııasy Novgorod oblysynyń gýbernatory Andreı Nıkıtınmen kezdesti, dep habarlaıdy Egemen.kz.
Kezdesýde óńiraralyq yntymaqtastyq jáne saýda-ekonomıkalyq, mádenı-gýmanıtarlyq jáne bilim berý salalaryndaǵy ózara is-qımyl máseleleri talqylandy. О́nerkásip, aýyl sharýashylyǵy salalarynda birlesken ınvestısııalyq jobalardy iske asyrý máseleleri qaraldy.
Sonymen qatar Novgorod oblysynyń delegasııasy jumys sapary aıasynda Ulytaý oblysyna baryp, qonaqtar óńirdiń ónerkásiptik áleýetimen tanysty. Qazaqstan Prezıdentiniń tapsyrmasy boıynsha salynǵan «Joshy han» tarıhı-mádenı keshenine bardy. Aıta keteıik, Qazaqstan óńirleriniń RF Novgorod oblysymen taýar aınalymy 2024 jyldyń 6 aıynda $19,2 mln teńgeni quraǵan.