Prezıdent Arhıvi «Archive Hack: Aqyldy arhıv» báıgesine qatysýǵa shaqyrady Qazaqstan Respýblıkasy Prezıdentiniń Arhıvi, Satbayev University jáne Yandex Qazaqstan «Archive Hack: Aqyldy arhıv» hakatony ótetinin habarlaıdy, dep jazady Egemen.kz.
Qazaqstan Respýblıkasy Prezıdentiniń Arhıvi, Satbayev University jáne Yandex Qazaqstan alǵash ret arhıv isi salasyndaǵy ınnovasııalyq tehnologııalyq sheshimderdi ázirleýge baǵyttalǵan «Archive Hack: Aqyldy arhıv» hakatonyn ótkizedi. Is-shara 24-25 qyrkúıek kúnderi Almaty qalasynda toptyq saıys formatynda ótedi jáne Qazaqstan arhıvteriniń sıfrlyq transformasııasyndaǵy mańyzdy kezeń bolmaq. Hakaton jeńimpazdaryn qazylar alqasy tańdaıdy, jeńimpazdar Satbayev University bilim berý granttarymen jáne Yandex Qazaqstan qarjylaı syılyqtarymen marapattalady.
Hakatonǵa IT jáne tarıhı mamandyqtarda (jáne aralas baǵyttardaǵy) oqıtyn ýnıversıtet pen kolledj stýdentteri, sondaı-aq Almaty qalasynyń 10-12 synyp oqýshylary qatysa alady. Olar arhıvtik derekterge qoljetimdilikti jaqsartý, olardy sıfrlandyrý, qorǵaý jáne saqtaý baǵytynda jobalar ázirleý úshin baq synaıdy. Hakaton uıymdastyrýshylary qatysýshylarǵa tarıhı materıaldardy jáne Qazaqstannyń mádenı murasynyń derekterine qoljetimdi ári qyzyqty etip sheshimder ázirleýdi tapsyrma etip qoıdy. Hakaton barysynda qatysýshylar Yandex Qazaqstan sarapshylarynan qoldaý men tálimgerlik kómek ala alady.
QR Prezıdenti Arhıviniń dırektory Álııa Mustafına: «Biz jastardyń IT daǵdylaryn damytýǵa jáne zamanaýı sıfrlyq tehnologııalardy arhıv isine engizýge baǵyttalǵan bilim berý bastamalaryna erekshe nazar aýdaramyz. Bul hakaton - shyn máninde biregeı joba, barlyq qatysýshy baǵaly tájirıbe jınap, elimiz úshin mańyzdy jumys atqarady», dedi.
Yandex Cloud Qazaqstan bıznesiniń jetekshisi Arystanbek Joldasbekov: «Qatysýshylar aldynda mańyzdy mindetter tur: búlingen qujattardan derekterdi qalpyna keltirý, sýretterdi jaqsartý, mátindi taný algorıtmin qurý nemese vırtýaldy arhıvti ázirleý. Biz zamanaýı tehnologııalar men qatysýshylardyń kúsh-jigeri mádenı murany saqtaýǵa jáne ony bolashaq urpaqqa qoljetimdi etýge kómektesetinine senimdimiz. Yandex Qazaqstan jobalardy tabysty júzege asyrý úshin qajetti resýrstar men tálimgerlik qoldaý kórsetedi», dedi.
Satbayev University akademııalyq máseleler jónindegi prorektory Raısa О́skenbaeva: «Biz «Archive Hack: Aqyldy arhıv» hakatonyn ótkizý alańyna aınalǵanymyzdy maqtan tutamyz. Bul stýdentter men oqýshylar úshin IT jáne jasandy ıntellekt salasyndaǵy bilimderin tájirıbede qoldanýdyń biregeı múmkindigi. Bul hakaton jańa tehnologııalardy damytýǵa serpin berip, mádenı muramyzdy saqtaý men nasıhattaýǵa úles qosady dep senemiz. Jeńimpazdar bizdiń ýnıversıtettiń bilim berý granttaryna ıe bolady», dedi.
Barlyq nıet bildirýshiler arnaıy saıttaǵy forma arqyly tirkele alady.