Memleket basshysy Qasym-Jomart Toqaev Túrkııa Ulttyq qorǵanys mınıstri Iаshar Gıýlerdi qabyldady, dep habarlaıdy Egemen.kz Aqorda baspasóz qyzmetine silteme jasap.
Qasym-Jomart Toqaev Qazaqstan men Túrkııa arasyndaǵy qarym-qatynas ekijaqty jáne kópjaqty kún tártibiniń barlyq baǵyty boıynsha qarqyndy damyp kele jatqanyn atap ótti.
Prezıdent áriptesi Rejep Taııp Erdoǵanǵa izgi tilegin joldap, eki eldiń strategııalyq yntymaqtastyǵy men seriktestigin odan ári nyǵaıtýdyń mańyzdy ekenine nazar aýdardy.
О́z kezeginde Iаshar Gıýler atajurtta kórsetilgen syı-qurmet úshin alǵys aıtyp, Túrkııanyń Qazaqstanmen ózara senim jáne qoldaý rýhyndaǵy baılanystardy odan ári tereńdetýge nıetti ekenin rastady. Ol elimizdiń birqatar óńirlik jáne halyqaralyq túıtkildi sheshýge baǵyttalǵan kúsh-jigerin joǵary baǵalady.
Sonymen qatar áńgimelesý barysynda eki eldiń qaýipsizdik salasyndaǵy yntymaqtastyq máselesi qarastyryldy.