Aýyl mektepteriniń oqýshylaryna arnalǵan respýblıkalyq pándik olımpıadaǵa irikteý bastaldy. О́tinishterdi qabyldaý 20 qyrkúıekke deıin jalǵasady. Qala men aýyl mektepteri arasyndaǵy alshaqtyqty azaıtýǵa baǵyttalǵan bilim básekesi bıyl ekinshi ret uıymdastyrylyp otyr.
Olımpıadaǵa aýyl mektepteriniń 9-11 synyp oqýshylary qatysa alady. Mundaǵy maqsat – elimizdiń shalǵaı eldi mekenderindegi daryndy jáne talantty balalardyń qabiletin anyqtap, bilimin shyńdaý, halyqaralyq olımpıadalarǵa qatysýǵa yntalandyrý. Saıys qaǵıdalarynyń barlyǵy eń bedeldi álemdik «IMO», «IPhO», «IChO», «IBO», «IGeO», «IOI», «IOL» olımpıadalarynyń erejelerine súıenip jasaqtalǵan.
«Aýyl mektepteriniń oqýshylaryna arnalǵan jalpy bilim beretin pánder boıynsha Respýblıkalyq olımpıada alǵash ret ótken oqý jylynda Oqý-aǵartý mınıstrliginiń bastamasymen ótkizildi. Bilim jarysynyń byltyrǵy qorytyndysyna kóz júgirtsek, aýyl oqýshylarynyń júldeli oryndarǵa ıe bolý kórsetkishi segiz esege artqanyn anyq ańǵaramyz.
О́tkizý qaǵıdalaryna sáıkes olımpıada 13 pán boıynsha, naqtyraq aıtsaq, jaratylystaný-matematıka baǵytyndaǵy 6 pán, qoǵamdyq-gýmanıtarlyq baǵyttaǵy 7 pán boıynsha ótkiziledi jáne 3 kezeńnen turady. Byltyr saıystyń birinshi kezeńine 78 404 oqýshy qatysyp, 24 122 oqýshy kelesi kezeńge ótti. Al respýblıkalyq kezeńde 740 oqýshy baq synady. Qorytyndy kezeńde 335 jeńimpaz Oqý-aǵartý mınıstrliginiń dıplomyna, 69 túlek joǵary oqý oryndarynyń bilim grantyna ıe boldy», dedi «Daryn» respýblıkalyq ǵylymı-praktıkalyq ortalyǵynyń dırektory Ǵajdembek Tursynov.
Pándik olımpıada – oqýshylardyń sanasynda alǵashqy ǵylymı izdenisterge jol salatyn, bolashaq ǵalymdardy shabyttandyratyn, ǵylymmen erkin aınalysatyn jastar tobyn qalyptastyratyn eń aýqymdy baǵdarlamalyq saıys ekeni anyq. Aıta keteıik, atalǵan jarysqa qatysýǵa barlyq nıet bildirýshiler «auyl.daryn.kz» saıtyna tirkelý qajet. Al saıystyń ótken jylǵy jeńimpazdary tańdaǵan pánderi sáıkes kelse, bıylǵy bilim básekesiniń respýblıkalyq kezeńine konkýrstan tys qatysa alady.
«Bul olımpıada – biz sekildi aýyl balalaryna óte úlken múmkindik. Men ózim Aqtóbe oblysy, Shalqar aýdany, Toǵyz aýylynyń týmasymyn. Byltyrǵy aýyl oqýshylaryna arnalǵan bilim saıysyna «Qazaqstan tarıhy» páninen qatysyp, jeńimpaz atandym. Nátıjesinde, H.Dosmuhamedov atyndaǵy Atyraý ýnıversıtetine grant utyp aldym, odan bólek birneshe baǵaly syılyqqa da ıe boldym. Bul ǵylymǵa degen qyzyǵýshylyǵymyzdy odan saıyn arttyrdy. Jarysqa daıyndyqty 10-synyptan bastaǵan edim. Osy jylǵy olımpıada qatysýshylaryna da erterek qamdanýdy usynamyn. О́ıtkeni eńbegińe saı nátıje kórsetesiń. Aldaǵy ýaqytta ózim de halyqaralyq olımpıadalarǵa oqýshy daıyndap, bilim salasyna jaqsy yqpal etýge umtylamyn», deıdi aýyl olımpıadasynyń jeńimpazy Edige Madııar.
«Daryn» respýblıkalyq ǵylymı-praktıkalyq ortalyǵynyń ádiskeri Serikjan Damyshanulynyń aıtýynsha, olımpıada «bir kompıýter – bir oqýshy – bir kamera» qaǵıdaty boıynsha ótkiziledi.
«Qyrkúıekte baıqaýdyń bastapqy, qazanda aýdandyq, qarashada oblystyq, al jeltoqsanda respýblıkalyq kezeńi ótedi. Árbir kezeń qorytyndysy ortalyqtyń «daryn.kz» saıtynda jarııalanady. Aıta keteıik, irikteý onlaın-platformada júzege asady. Olımpıadanyń IV respýblıkalyq kezeńine jaratylystaný-matematıka baǵytyndaǵy 9-11(12) synyp oqýshylary, al qoǵamdyq-gýmanıtarlyq baǵyttaǵy 10-11(12) synyp oqýshylary qatysady. IV kezeńniń jeńimpazdary aldaǵy zııatkerlik jarystarǵa daıyndalý úshin oqý-jattyǵý jıyndarynda bilimderin shyńdaıdy», deıdi S.Damyshanuly.