Májilis Astana men respýblıkalyq mańyzy bar qalalardy damytý máseleleri týraly zań jobasy boıynsha jumysty bastady. Onda birqatar ózekti máseleler talqylanady, dep habarlaıdy Egemen.kz QR Parlamenti Májilisiniń baspasóz qyzmetine silteme jasap.
Búgin Ekonomıkalyq reforma jáne óńirlik damý komıtetiniń tóraǵasy Nurtaı Sabılıanovtyń jetekshiligimen zań jobasynyń tanystyrylymy ótti.
Ulttyq ekonomıka vıse-mınıstri Baýyrjan Omarbekov Úkimettiń zań jobasy Astana men respýblıkalyq mańyzy bar qalalardyń áleýmettik-ekonomıkalyq damýyndaǵy máselelerdi sheshýge baǵyttalǵanyn atap ótti. Onyń aıasynda Jer kodeksine jáne oǵan qatysty alty zańǵa ózgertýler engiziledi.Zań jobasyna kelesi erejeler engiziledi:
Jasyl aımaqta landshafttardyń tabıǵı kórinisine teris áser etetin qyzmetke tyıym salý; Qoljetimdi ortany qamtamasyz etý; Qalalardyń syrtqy kelbeti jáne qoǵamdyq oryndarda jarnamanyń jekelegen túrlerine shekteýler belgileý; Astanadaǵy kóshi-qondy retteý; Turǵyn úı qurylysyna úlestik qatysý salasyndaǵy qyzmetke qoıylatyn talaptardy kúsheıtý; Aıyppuldy turaqtardyń qyzmetin retteý jáne t,b.Aıta keteıik, zań jobasyn talqylaý jumys tobynda jalǵasady. Oǵan Májilis depýtaty Bolatbek Nájmetdınuly jetekshilik etedi.