Sıfrlyq ınklıýzııa jáne transformasııa boıynsha Azııa-Tynyq muhıty elderiniń mınıstrlik konferensııasynda Sıfrlyq damý, ınnovasııalar jáne aeroǵarysh ónerkásibi mınıstri Jaslan Mádıev pen «Google» kompanııasynyń Kavkaz jáne Ortalyq Azııa aımaǵy boıynsha úkimetpen baılanys ári qoǵamdyq saıasat bóliminiń basshysy Olga Skorohodova Qazaqstannyń sıfrlyq transformasııasyn jedeldetýge baǵyttalǵan strategııalyq seriktestiktiń nátıjelerin talqylady. Sonymen qatar konferensııaǵa kelgen 30 eldiń delegattaryna elimizdiń úzdik startaptary men iri IT-kompanııalarynyń jobalary tanystyryldy.
«Google»-men yntymaqtastyq
«Google»-men yntymaqtastyǵymyz elimizdiń sıfrlyq ekonomıkasyn aıtarlyqtaı damytatyny anyq. Biz birlesip eldiń ınfraqurylymyn jańǵyrtyp qana qoımaı, ınnovasııalardy damytýǵa jáne jumys oryndaryn qurýǵa yqpal etetin platformalar jasaımyz. Osynaý yntymaqtastyq nátıjesinde elimiz halyqaralyq arenada sıfrlyq transformasııa baǵytynda jetekshi orynǵa ıe bolady dep senemiz», dedi Sıfrlyq damý, ınnovasııalar jáne aeroǵarysh ónerkásibi mınıstri Jaslan Mádıev.
Kelissóz nátıjesinde, endi elimizdiń joǵary oqý oryndary «Google» kompanııasymen birlesip, «Generative AI» kýrstaryn júrgizedi. Stýdentter generatıvti jasandy ıntellekt daǵdylaryn damytýǵa baǵyttalǵan «Google Cloud Skills Boost» platformasynda tegin kýrstan óte alady.
Jobaǵa elimizdiń jetekshi joǵary oqý oryndary, atap aıtsaq, L.N.Gýmılev atyndaǵy Eýrazııa ulttyq ýnıversıteti, Q.Jubanov atyndaǵy Aqtóbe óńirlik ýnıversıteti, Q.Sátbaev atyndaǵy Ekibastuz ınjenerlik-tehnıkalyq ýnıversıteti, Qaraǵandy ındýstrııalyq ýnıversıteti, «SDU University», Qazaq ulttyq agrarlyq zertteý ýnıversıteti, Á.Saǵynov atyndaǵy Qaraǵandy tehnıkalyq ýnıversıteti, Astana IT ýnıversıteti, Qazaqstan-Brıtan tehnıkalyq ýnıversıteti, Ǵ.Dáýkeev atyndaǵy Almaty energetıka jáne baılanys ýnıversıteti, Shákárim ýnıversıteti, Esenov ýnıversıteti, Toraıǵyrov ýnıversıteti qatysady.
«Google» kompanııasymen birlesken joba – sıfrlyq saýattylyqty arttyrý jáne jasandy ıntellekt salasynda ozyq bilimi bar mamandardy daıarlaý jolyndaǵy mańyzdy qadam. Bul jumys «Google»-men odan ári yntymaqtastyqty nyǵaıtyp, elimizdegi bilim deńgeıin arttyrýǵa yqpal etedi», dedi Ǵylym jáne joǵary bilim vıse-mınıstri Dınara Sheglova.
Qanatqaqty joba aıasynda 6 000-nan astam qazaqstandyq stýdent «Google Cloud Skills boost» platformasynda jasandy ıntellektiniń ozyq ınnovasııalaryn ıgerýge múmkindik alady. Aıta keteıik, generatıvti kýrstar jıyntyǵy ýnıversıtetterge arnaıy «Google Cloud Career Launchpad» baǵdarlamasy arqyly qoljetimdi.
«Jasandy ıntellekt salasyndaǵy daǵdylardy damytýǵa degen strategııalyq kózqaras – Qazaqstannyń JI dáýirindegi tabysty sıfrlyq transformasııasynyń kilti. Bizdiń mınıstrlikpen birlesken bastamamyz joǵary bilikti kadrlardy daıarlaýǵa jáne eldiń tehnologııalyq áleýetin nyǵaıtýǵa baǵyttalǵan», dedi Kavkaz jáne Ortalyq Azııa aımaǵy boıynsha úkimetpen baılanys ári qoǵamdyq saıasat bóliminiń basshysy Olga Skorohodova.
Qazirdiń ózinde «Google» kompanııasy mınıstrlikpen birlesip, sıfrlyq tehnologııalar arqyly bilim berý salasyn transformasııalaý boıynsha birneshe jumystar atqaryp jatyr. Máselen, IT-HUB jobasy aıasynda byltyr 11 jetekshi qazaqstandyq joǵary oqý oryndarynan 900-den astam stýdent «Android» platformasynda jasandy ıntellekt, bultty tehnologııalar jáne ázirlemeler salasynda ozyq daǵdylardy ıgerdi.
Atalǵan kompanııa sonymen qatar elimizdegi «Google Developer Students Clubs» atty 14 klýbty qoldaıdy. Stýdentterdi qoǵamdastyqqa biriktirý arqyly bul uıymdar tájirıbe almasýǵa, jobalarmen birlesip jumys isteýge jáne kásibı baılanystardy damytýǵa qolaıly jaǵdaı jasaıdy. Bul stýdentterge jańa tehnologııalardy ıgerip qana qoımaı, IT qaýymdastyǵynyń bir bóligi bolýǵa úlken septigin tıgizedi.
«Google» men Sıfrlyq damý, ınnovasııalar jáne aeroǵarysh ónerkásibi mınıstrligi arasyndaǵy strategııalyq seriktestik aıasynda startaptardy qoldaý jáne bultty tehnologııalardy engizý jumystary boıynsha da ilkimdi ister atqarylyp jatyr. Máselen, «Google» «Astana Hub»-pen birlesip, keıingi eki jylda 55-ten astam startaptyń damýyn jedeldetti. Sonymen qatar «Silkway Accelerator» túlekteri «Google for Startups Cloud Program» baǵdarlamasyna qatysýǵa quqyly, olar elimizde bultty tehnologııalardy engizýge yqpal etetin artyqshylyqtarǵa ıe bolady.
«Google» aldaǵy jyly da Qazaqstanda birneshe jańa ónimder men qyzmetterdi usynbaq. Atap aıtsaq, Qazaqstan azamattary qazir eksperımentaldy «Gemini» jasandy ıntellekt chat-botyna jáne «Flood Hub» quralyna qol jetkize alady, bul qural qaýymdastyqtarǵa yqtımal tabıǵı apattarǵa jaqsy daıyndalýǵa kómektese otyryp, sý tasqynynyń jeti kúnge deıingi naqty boljamdaryn usynady. Odan bólek, «Google Maps» qyzmetindegi «Street View» fýnksııasy elimizdegi ártúrli orynnyń egjeı-tegjeıli jáne ınteraktıvti kórinisterin usyna otyryp, týrıstik salanyń damýyna ári shaǵyn jáne orta bıznesti qoldaýǵa oń áserin tıgizedi. Sonymen qatar «YouTube Premium»-nyń engizilýi halyq arasynda úlken qyzyǵýshylyq týdyrdy, avtorlarǵa óz mazmunyn tıimdi monetızasııalaýdyń jańa múmkindikterin usynady. Talqylaý qorytyndysy boıynsha mınıstrlik pen «Google» kompanııasy birlestikti odan saıyn nyǵaıtyp, bolashaq yntymaqtastyqtyń negizgi basymdyqtaryn belgiledi.
«Kazakhstan Tech Solution Day»
Sıfrlyq ınklıýzııa jáne transformasııa jónindegi Azııa-Tynyq muhıty mınıstrlik konferensııasynda 30 elden kelgen delegattarǵa elimizdiń úzdik startaptary men iri IT-kompanııalarynyń jobalary tanystyryldy. «Kazakhstan Tech Solution Day» alańynda «Astana Hub» halyqaralyq tehnoparkiniń bastamasymen elimizdiń sıfrlyq tehnologııa jetistikterin tanytatyn startaptar men IT-kompanııalardyń biregeı kórmesi ótti. Munda elimizdiń 50-den astam úzdik startaby men iri IT-kompanııasy jasandy ıntellekt, ekologııalyq tehnologııalar, aqyldy úıler, bilim berý platformalary, qaýipsizdik júıeleri, sıfrlyq densaýlyq saqtaý, derekterdi taldaý, elektrondy kommersııa, bıometrııalyq tehnologııalar, mobıldi qosymshalar jáne energııany basqarý salalaryndaǵy úzdik sheshimderin usyndy. Talqylaýlarǵa sıfrlandyrý salasyndaǵy jetekshi sarapshylar, atqarýshy hatshy Armıda Salsııa Alıshahbana bastaǵan BUU ATMEÁK ókilderi, ártúrli eldiń sıfrlyq mınıstrleri, sondaı-aq «Amazon», «Forbes Technology Council», «Epam» syndy jahandyq kompanııalardyń jetekshileri qatysty.
«Kazakhstan Tech Solution Day»-de usynylǵan startaptar men kompanııalar tek joǵary ınnovasııa deńgeıin kórsetip qana qoımaı, ómir súrý sapasyn jaqsartyp, turaqty damýǵa eleýli úles qosyp keledi. Mysaly, «Ozim Platform» beıimdelgen bilim berý baǵdarlamalary arqyly múmkindigi shekteýli jandarǵa qoldaý kórsetse, «Global Green Hub» turaqty damý úshin ekologııalyq tehnologııalardy ázirleıdi. Al «Livin» ómir sapasyn jaqsartýǵa arnalǵan sıfrlyq sheshimder jasasa, «BeyimTech» ártúrli saladaǵy tıimdilikti arttyrýǵa jasandy ıntellekt pen analıtıkalyq sheshimderdi damytady. «Oqylyq» balalardyń saýattylyǵyn arttyrýǵa kómektesse, «Ziz inc» IoT tehnologııasymen aqyldy úı sheshimderin ázirleıdi, al «Qoshqar Energy» startaby jańartylatyn energııa men kómirtegi izin azaıtýǵa baǵyttalǵan», dedi «Astana Hub» bas dırektory Maǵjan Mádıev.
Aıta keteıik, konferensııa aıasynda uıymdastyrylǵan «Kazakhstan Tech Solution Day» alańynyń bas demeýshisi – jetekshi qazaqstandyq tehnologııalyq kompanııa «Kaspi.kz» boldy. Sonymen qatar is-sharany «Freedom Bank» pen «inDrive» platformalary qoldady. Bul – bıznestiń elimizdegi sıfrlyq áleýetti damytýǵa degen qyzyǵýshylyǵynyń joǵary deńgeıin aıqyndaıdy.
«Kazakhstan Tech Solution Day» – tek IT-salasyndaǵy jetistikterdi kórsetý múmkindigi ǵana emes, sonymen qatar Qazaqstanda ári dúnıejúzinde ınnovasııalyq ekojúıeni damytýǵa yqpal etetin jańa áriptestik pen bastamalardyń negizin qalaý múmkindigi. Bul is-shara jańa tehnologııalardy engizý men yntymaqtastyqqa jol ashyp, elimizdiń jahandyq sıfrlyq ekonomıkadaǵy rólin nyǵaıtady», dedi Sıfrlyq damý, ınnovasııalar jáne aeroǵarysh ónerkásibi mınıstri Jaslan Madıev,
«Kazakhstan Tech Solution Day» is-sharasynda «01 Edu» men «01 Talent» jobalarynyń teń quryltaıshysy Nıkolıa Sadırak 200 000-nan astam IT-mamandy oqytý tájirıbesin bólisip, jasandy ıntellekt dáýirinde oqytý ádisterin qaıta qaraý qajettigin baıandady. Sondaı-aq ol ChatGPT-men birlesip jazylǵan «Jasandy ıntellekt serfıngine daıyndyq» atty kitabynyń tusaýyn kesti. Munda bilim berýde adam men jasandy zerde arasyndaǵy tepe-teńdik máselesi zerttelgen.
«Astana Hub» qoldaýymen qazaq jáne orys tilderine aýdarylǵan kitap qatysýshylardyń úlken qyzyǵýshylyǵyn týdyrdy. Sonymen qatar Nıkolıa Sadırak paneldik sessııaǵa qatysyp, jasandy ıntellektiniń qarqyndy damý jaǵdaıynda dástúrli oqytý tásilderin qaıta qaraý qajettigin atap ótti. Onyń aıtýynsha, dástúrli bilim berý júıesi jańa naryq talaptaryna shuǵyl beıimdelý kerek, áıtpese bul aqparattyq tehnologııalar men JI salasynda mamandar tapshylyǵyn týdyrady.
«Biz tehnologııalar óte tez ózgerip jatqan dáýirde ómir súrip jatyrmyz. IT-mamandardy oqytýmen 25 jyl boıy aınalysyp kelemin. Buryn kompanııalardyń qajettilikterin túsiný úshin óndiristik zertteýler júrgizetinbiz, sodan keıin sol talaptarǵa saı ınjenerlerdi daıyndaýǵa tyrysatynbyz. Osy úderis ádette úsh jyldan bes jylǵa deıin sozylatyn. Qazir bul múmkin emes, óıtkeni suranys jyldam ózgerip otyrady, búgin qajet dúnıe eki jyldan keıin mańyzyn joǵaltady. Sondyqtan oqytýǵa degen kózqarasymyzdy túbegeıli qaıta qaraýymyz kerek», dedi ol.