Emhanalarda Face-ID júıesi arqyly jalǵan qujat jasaýǵa tosqaýyl qoıylmaq. Densaýlyq saqtaý mınıstri Aqmaral Álnazarovanyń aıtýynsha, qanatqaqty joba Astanadaǵy medısınalyq-sanıtarlyq kómek boıynsha respýblıkalyq emhanada iske qosyldy.
Aldymen naýqastar Face-ID jáne veb-kamera kómegimen jeke basynyń sáıkestigin anyqtaıdy. Bul olarǵa kórsetilgen qyzmet týraly derekterdi burmalap, jalǵan esep jazýǵa múmkindik bermeıdi. Bıýdjet qarjysynyń, saqtandyrylǵan azamattardyń jarnasynyń maqsatsyz jumsalýyna jol berilmeıdi. Joba kelesi jyldan bastap barlyq emhanaǵa engiziledi.
«Osy jyldyń sońyna deıin biz Astanada bul qanatqaqty jobany iske asyramyz, al 1 qańtardan bastap ony búkil respýblıka boıynsha aýqymyn keńeıtip, taratýdy josparlap otyrmyz. Bul jalǵan qujat toltyrýdy túbirimen joq qylatyn tıimdi qural bolady», dedi Aqmaral Álnazarova.